Na-rescue ang usa ka lalaki human kini nalukong ug na-trap sa kusog nga sulog sa Sibulan River niadtong nakalabay nga adlaw.
Base sa report sa LDRRMO, nakadawat sila og emergency call alas 4:32 sa hapon mahitungod sa usa ka tawo nga natanggong sa tunga sa suba. Diha-diha gihimo ang rescue operation uban sa tabang sa mga responder sa Astorga BDRRMC ug uban pang emergency personnel.
Ang biktima giila nga si Adonis Emao, residente sa Cebulan Lote, Astorga, Sta. Cruz, Davao del Sur.
Samtang nagpahimangno ang mga awtoridad sa mga residente nga mag-amping, ilabi na kung kusog ang ulan sa kabukiran nga mahimong hinungdan sa kalit nga pagtaas sa tubig sa suba.
