Nagpahimangno ang World Health Organization (WHO) nga mas paspas ang pagkaylap sa Ebola virus sa Congo ug Uganda kumpara sa responde sa mga otoridad. Sumala kang WHO Director-General Tedros Adhanom Ghebreyesus, mokabat na sa 220 ka mga tawo ang gituohang namatay tungod sa outbreak ug posible pa kining motaas.
Sa Uganda, pito na ang kumpirmadong kaso samtang delikado usab nga matakdan ang mga silingang nasod. Giingon sa WHO nga mas lisod kontrolon ang outbreak tungod sa kagubot ug kakulang sa seguridad sa mga probinsya sa Ituri ug North Kivu sa Congo.
Gani sa pagkakaron, wala pa’y aprubadong bakuna batok sa Bundibugyo strain sa Ebola virus. Tungod niini, gideklarar sa WHO nga usa ka public health emergency of international concern ang maong outbreak.
Photo Courtesy: REMATE
