Personal nga giila ni Pangulong Ferdinand Marcos Jr. ang Pinoy Guinness World Record holder nga si Claro “Lito” de Veterbo Jr. atol sa usa ka courtesy call didto sa Malacañang Palace niadtong Mayo 20.
Gidayeg ni Presidente Marcos ang makasaysayang pagbaktas ni De Veterbo gikan Pagudpud, Ilocos Norte hangtod sa Glan, Sarangani Province, nga nahitabo gikan Pebrero 9 hangtod Hulyo 6, 2025.
Matod pa ni De Veterbo, bonus na lamang kaniya ang pagkab-ot sa Guinness World Record tungod kay ang iyang tinuod nga tumong mao ang pagpataas sa kahibalo sa katawhan bahin sa pagpanalipod sa kinaiyahan pinaagi sa long-distance walking.
Dugang niya, wala usab siya makatuo nga nahimo niyang makab-ot ang world title samtang malampuson niyang nahuman ang maong ruta.
Si De Veterbo usa usab ka hobbyist mountaineer ug certified instructor sa Leave No Trace, usa ka non-profit organization nga nagpunting sa pagpanalipod sa kinaiyahan pinaagi sa science-based education.
