Nagpakita og dakong determinasyon ug kalig-on si Christine Castro nga taga-San Luis, Agusan del Sur, atol sa kompetisyon sa athletics human siya naangol sa long jump event samtang nagrepresentar sa Caraga Region.
Base sa report, nasamdan ang iyang paa tungod sa spikes sa iyang sapatos apan nagpabiling lig-on ug kalmado ang atleta samtang naghulat sa pagsugod sa final hurdle event. Bisan sa iyang gibati nga kasakit ug kapakyasan, nakaya gihapon ni Castro nga pakalmahon ang kabalaka sa iyang mga supporters.
Giila si Castro isip usa sa mga maayong paglaom sa Caraga sa athletics ug usa ka kusog nga kandidato alang sa medalya, apan nahimong dakong pagsulay kaniya ang wala damhang injury atol sa kompetisyon.
Padayon usab ang suporta sa mga Agsurnon ug Caraganon kang Castro diin ilang gipadayag ang pagdayeg sa iyang kaisog ug pagpaningkamot. Daghan gihapon ang naglaom sa iyang pagkaayo ug makadayon sa relay event.
Alang sa kadaghanan, ang iyang determinasyon ug fighting spirit igo nang rason aron ilhon siyang mananaog bisan unsa pa ang resulta sa kompetisyon.
