Giaprobahan na sa House of Representatives sa ikatlo ug pinal nga pagbasa ang House Bill (HB) 8702, ang balaodnon nga nagpataas sa mandatory retirement age sa mga uniformed personnel sa Philippine National Police (PNP) gikan sa 56 ngadto sa 57-anyos.
Ang maong panukala nakakuha og dako nga suporta sa plenaryo pinaagi sa botong 233-0-1, diin opisyal niining amyendahan ang Section 39 sa Republic Act No. 6975 o ang “Department of the Interior and Local Government Act of 1990.”
Gitataw sa balaodnon nga napapanahon na kini nga lakang aron matubag ang pipila ka kritikal nga panginahanglanon sa PNP.
Pinaagi sa pagpabilin sa mga eksperyensyadong opisyal sa dugang usa ka tuig, mabenepisyohan sa organisasyon ang ilang specialized expertise ug institutional knowledge nga gikinahanglan kaayo alang sa stabilidad ug maayong dagan sa law enforcement operations sa nasod.
Kahinumduman nga una na usab nga gipasar sa Kamara ang Republic Act (RA) 11939, diin gihimo usab nga 57-anyos ang compulsory retirement age sa Armed Forces of the Philippines (AFP) gikan sa kanhi 56-anyos
Photo Courtesy: PNP Camp Crame file photo
