Misaka og 10.2 porsyento ang kinatibuk-ang deposito sa banking system sa Pilipinas nga miabot na sa P22.22 trilyon hangtod sa katapusan sa Marso ning tuiga, tungod sa padayong pagsaka sa pondo nga ginatigom sa mga dagkong bangko ug mga digital banks.
Base sa labing ulahing datos gikan sa Bangko Sentral ng Pilipinas (BSP), ang maong kantidad mas taas itandi sa P20.16 trilyon nga natala sa parehong panahon sa miaging tuig. Ang ihap sa mga deposit accounts misaka usab og 18.4 porsyento ngadto sa 178.57 milyon gikan sa 150.82 miaging tuig.
Gikataho usab sa BSP nga ang ihap sa mga depositors misaka og 84.7 porsyento ngadto sa 248.41 milyon gikan sa 134.53 milyon niadtong katapusan sa Marso 2025.
Sa pamaagi sa BSP, kausa ra giihap ang usa ka depositor bisan pa man kon duna kini nagkaduhang matang sa account sama sa current, savings, o time deposits.
Samtang ang mga universal ug commercial banks gihapon maoy naghupot sa kinadak-ang bulto sa deposito, diin nakuha niini ang 93.1 porsyento sa kinatibuk-ang sistema sa bangko.
Photo Courtesy: Bank file Photo
