Mibandera na usab ang garbo sa nasod human dungan nga nakasakmit og bulawang medalya silang Tokyo Olympics silver medalist Carlo Paalam ug ang 19-anyos nga si Clark Vicera sa ilang serye sa pakigbugno sa Eindhoven Box Cup 2026 didto sa Netherlands.
Gidominar ni Paalam iyang kaatbang nga si Abdul Burton sa England pinaagi sa limpyo nga 5-0 Unanimous Decision diin nagrehistro ang lima ka hurado og 29-28, 30-27, 29-28, 29-28, 30-27 nga puntos.
Ang maong kadaugan nagpakita ug maayong posisyon alang kang Paalam kinsa kasamtangang nangandam para sa 2026 Asian Games nga ipahigayon karong Setyembre sa Nagoya, Japan.
Sa laing bahin, nagpadayon usab ang “hot streak” sa 19-anyos nga si Clark Vicera human makuha ang bulawan sa men’s elite 50-kilogram class batok kang Rudyk Maksym sa Ukraine nga miresulta sa Back-to-Back Gold
Talagsaon ang dagan sa karera sa batan-ong si Vicera tungod kay kini ang iyang ikaduhang bulawan sulod lang sa duha ka semana human usab siya nag-champion didto sa Serbia sa miaging semana
Photo Courtesy: Carlo Paalam/ Ian Vicera (ABAP)
