Mosaka ang presyo sa diesel ug gasolina sunod semana, sumala sa Department of Energy. Gibanabana nga mosaka ang diesel og P1 hangtod P1.30 kada litro samtang ang gasolina mahimong mosaka og P1.20 hangtod P1.50 kada litro.
Matod pa sa DOE, mahimo pa kining mausab depende sa final adjustment karong adlaw nga Sabado. Samtang, kapin 900 ka gasolinahan na usab ang miapil sa P10 fuel discount program alang sa public utility vehicles o PUVs.
Labaw 100 mil ka jeep ug UV Express ang naaprobahan sa maong subsidy program nga gitumong mahimong permanente aron makatabang sa mga drayber ug commuter taliwala sa epekto sa tensyon sa West Asia.
Photo courtesy: Philippines News Agency
