Usa ka 44 anyos nga lalaki sa Japan ang karon viral human gisundog sulod sa tulo ka tuig ang training routine sa sikat nga anime character nga si “One Punch Man.”
Si Tasuke nagsugod sa challenge niadtong 2023 diin adlaw-adlaw gyud siyang nagbuhat og 100 push-ups, 100 sit-ups, 100 squats ug 10 kilometros nga dagan—walay hunong sulod sa 1,096 ka adlaw.
Sa sinugdanan, ordinaryo ra siyang office worker nga adunay normal nga panglawas. Apan human sa tulo ka tuig nga grabe nga ensayo, ni gawas ang iyang six-pack, ni toned ang lawas ug ni kusog ang iyang resistensya.
Apan bisan gisundan niya ang training ni Saitama, wala gihapon siya mahimong superhero ug wala pud siya makahimo og usa ka kumo nga makaguba og bukid.
Ang nakapahupay lang sa iyang fans, dili pareho sa anime character nga nakapanit og buhok—si Tasuke, kompleto gihapon ang buhok.
Sumala sa report, kapin 16 mil kilometros ang iyang nadagan ug sobra 100 mil ka repetitions sa push-ups, sit-ups ug squats sulod sa tulo ka tuig.
Tungod niini, daghang netizens ang nalingaw ug niingon nga:“Kung ako ni, basin one week pa lang sa challenge, mahimong One Punch… ngadto sa massage center.”
Photo courtesy: Wired/Oddity Central
