464 KA BARANGAY SA BUKIDNON, NAKADAWAT OG HANDHELD RADIO

Nakompleto na sa Provincial Government of Bukidnon ang pag-apod-apod sa 464 barangays sa ilang kinahanglanon nga 2-way handheld radios, pinaagi sa 5th and last batch nga Mass Turnover niini, niadtong Mayo 21, 2026 nga gipahigayon sa Kaamulan Open Theater, Kaamulan Park, Malaybalay City, Bukidnon.

Gipangunahan ni Governor Rogelio Neil Oneil Roque, uban ni Vice Governor Clive D. Quiño ug sa mga miyembro sa Sangguniang Panlalawigan, ang pagtunol sa 5th and last batch nga para sa 127 ka mga barangay, nga magkumpleto tibuok barangays sa lalawigan.

Kinatibuk-ang 1,270 units of handheld radios ang gitunol, sa tumong mapakusgan ang linya sa komunikasyon, ilabina sa panahon sa emerhensiya ug sa higayon nga maghatud sa batakang serbisyo diha sa kabaranggaya.

Sa maong higayon mipadayag sa iyang pasalamat si Kapitan Louie John T. Naiz sa barangay Mailag Valencia City, sa maong nadawat nga himan nga nahatagan sa pagtagad sa pagagamhanang probinsyal.

Anaa usab sa kalihukan sila Manolo Fortich Municipal Mayor Rogelio N. Quiño ug Malaybalay City Mayor Jay Warren Pabillaran. Matag barangay gihatagan og 1 set (10 units) sa maong ekipo, nga mokabat sa ₱16-M nga gipondohan sa provincial government para sa maong proyekto.


Photo Courtesy:LGU – Bukidnon