Gisugat ni Chinese President Xi Jinping si Russian President Vladimir Putin sa Beijing aron palig-onon ang Treaty of Good-Neighborliness and Friendly Cooperation.
Giila ni President Xi ang 30 ka tuig nga estratehikong panag-uban ug 25 ka tuig sa kasabotan nga naghatag ug lig-on nga pundasyon sa relasyon sa duha ka nasod.
Iyang gipasigarbo ang mas lawom nga kooperasyon sa politika, ekonomiya, enerhiya, siyensya, ug kultura aron makab-ot ang mas paspas nga kalamboan.
Sa iyang bahin, giingon ni President Putin nga ang relasyon sa China ug Russia nakaabot sa wala pa mahitabo nga lebel ug nagsilbing modelo sa estratehikong koordinasyon.
Ang duha ka lider nagpasalig sa mas lig-on nga multilateral nga kooperasyon ilawom sa UN, SCO, BRICS ug APEC aron mapalig-on ang hustong internasyonal nga kahimtang.
Human sa meeting, gipirmahan nila ang usa ka joint statement ug 20 ka dokumento sa kooperasyon, nga nagtimaan sa bag-ong yugto sa panag-uban sa China ug Russia
Photo Courtesy: Reuters
