Gianunsyo sa Bureau of Animal Industry (DA-BAI) nga dili dayon maapektuhan ang agricultural trade sa Pilipinas human ipatuman sa China ang ban sa pag-angkat sa baboy, wild boar ug mga produktong baboy tungod sa hulga sa African Swine Fever (ASF).
Giila sa ahensya ang desisyon sa Chinese authorities apan gipasabot nga wala pa man nag-export ang Pilipinas sa live pigs o buhing baboy ug related products ngadto sa China.
Base sa report, ang General Administration of Customs sa China nagpagawas sa direktiba nga nagbabawal sa pagpasulod sa mga produkto gikan sa Pilipinas.
Gipadayag sa DA-BAI nga padayon ang istriktong biosecurity measures sama sa kontrol sa pagpasulod sa hayop, culling sa mga naapektuhan, ug surveillance sa mga lugar nga taas ang risk.
Sukad 2019, nakatutok ang gobyerno sa mga hakbang nga naa sa standards sa World Organisation for Animal Health (WOAH) aron mapugngan ug mapapas ang ASF sa mga alagang baboy
Photo Courtesy: Number Two Piggeries
