Gireport sa mga kapulisan nga ilang nadakpan ang suspek sa pagpamusil nga nahitabo sa gamay nga lungsod sa El Ejido, Almería, Spain niadtong Lunes nga nagresulta sa pagkamatay sa duha ka tawo.
Ang suspek naila nga usa ka 25-anyos nga lalaki, kinsa gikatahong mipatay sa iyang mga ginikanan.
Base sa report sa kapulisan nga upat ka indibidwal ang nasamdan sa maong pagpamusil, diin duha niini mga bata ug dali silang gidala sa balay tambalanan alang sa pag-atiman.
Dugang pa nga lakip sa mga naangol ang gituohang pito ka bulan nga anak sa suspek. Apan, wala pa gibutyag ang mga identidad sa mga biktima ingon man sa suspetsado. Kabahin niini, gikataho nga adunay usa ka 18-ka-bulan nga bata ug laing usa ka 60-anyos nga lalaki ang nasamdan sa pag-atake.
Samtang daling miikyas ang suspek human sa panghitabo, apan gipili na usab niini nga musurender sa kapulisan. Sumala usab sa Guardia Civil nga ilang nang giimbestigahan ang maong insidente.
Photo Courtesy: bbc.com
