Arestado ang usa ka Other Wanted Person nga nailang si alyas “QUITO”, 44-anyos, mag-uuma atol sa gikasang operasyon pasado alas 11:00 sa buntag niadtong Mayo 19, 2026 didto sa Purok Proper Brgy. Mainit Cateel, Davao Oriental.
Gihimo ang operasyon pinaagi na sa pagpanguna sa mga personahe sa Cateel Municipal Police Station, kauban ang mga sakop sa PIU DOPPO ug lain pang mga operatiba.
Ang suspek nasikop pinaagi sa pagpatuman sa warrant of arrest tungod sa kasong paglapas sa Section 5(A) sa RA 9262 kun Anti-Violence Against Women and Their Children Act of 2004 nga giisyu sa korte ug adunay pyansang girekomendar nga Php3,000.00 ka pesos.
Sa pagkakarun anaa na sa kustodiya sa kapulisan ang suspek alang sa hustong disposisyon.
Photo Courtesy: Cateel MPS
