Padayon ang pagpalambo sa imprastraktura sa lungsod sa Compostela, ilabina sa sektor sa agrikultura, diin gipasiugda ni Compostela Mayor Levi S.Ebdao ang kahinungdanon sa farm-to-market roads aron mas mapadali ang transportasyon sa mga produkto sa mga mag-uuma paingon sa merkado.
Sumala sa lokal nga panggamhanan, dako’g tabang ang maong mga dalan aron moubos ang gasto sa pagbiyahe sa mga mag-uuma ug mas mapaspas ang pagdala sa ilang mga ani ngadto sa mga sentro sa patigayon.
Dugang pa, makatabang kini sa pagpalig-on sa lokal nga ekonomiya pinaagi sa mas episyente nga distribusyon sa mga produkto.
Gipahibalo usab ni Mayor Ebdao ang desisyon sa lungsod nga i-hold ang budget alang sa selebrasyon sa Araw ng Compostela, aron igahin ang pundo ngadto sa health services ug ilabi na sa sektor sa agrikultura.
Gipasiugda sa Amahan sa Lungsod ang padayon nga koordinasyon sa LGU Composela Davao De Oro, aron mapalambo pa ang ekonomiya ug mas masuportahan ang panginabuhi sa mga residente sa lungsod.
Photo Courtesy: Davao de Oro
