Walay gipagawas nga komento si Yassi Pressman, bahin sa posibilidad sa iyang kasal uban sa iyang uyab nga si Luigi Villafuerte. Sa interbyu, giingon ni Yassi nga “secret” lang sa pagkakaron ang ilang mga plano may kalabotan sa kaminyoon.
Gawas sa co-producer sa pelikulang Little Hope, misabak usab si Yassi isip producer sa usa ka game show nga ipahigayon sa Camarines Watersports Complex.
Matod sa aktres, nadasig siya sa pagprodyus human sa iyang mga natun-an gikan sa ubang artista nga nahimong producers usab. Siya usab ang nakahuna-huna sa konsepto sa game show nga adunay water activities ug mahimong malingaw ang tanang partisipante.
Giila usab ni Yassi nga kauban nila sa proyekto ang iyang uyab nga kongresista. Ang maong game show maggost si Marco Gumabao, Danita Paner ug TJ Valderama, sa pakigtambayayong sa ABS-CBN.
Una nang na-engage si Yassi sa non-showbiz personality nga si Jon Semira sa wala pa siya nakigrelasyon kang Villafuerte.
Photo Courtesy: PEP.ph
