Gihulagway sa Office of Civil Defense (OCD) Region 9 isip “very stong El Niño” ang posibleng masinatian nga taas nga kainit nga laumang sugod masinatian sugod sa bulan sa Hunyo nga molungtad pa sa unang bahin sa tuig 2027.
Matod ni OCD 9, Regional Director Atty. Ruel S. Halanes ang El Niño usa ka abnormal nga panghitabo diin mosaka ang temperatura sa Eastern Pacific nga maoy hinungdan sa dugay nga hulaw ug grabeng kainit sa nagkalain-laing lugar sa Zamboanga Peninsula.
Dugang ni Atty. Halanes, posible nga maapektuhan niini ang suplay sa tubig, produksyon sa agrikultura, ug panginabuhian sa mga mag-uuma ug mananagat kon magpadayon ang kakulang sa ulan sulod sa pipila ka bulan.
Giawhag usab niya ang ang publiko nga magdaginot sa paggamit sa tubig ug kuryente, ug magbantay sa panglawas ilabi na sa panahon sa grabeng kainit aron malikayan ang heat stroke ug uban pang sakit nga dala sa init nga panahon.
Samtang, padayon usab ang ilang koordinasyon ngadto sa uban pang mga ahensya sa gobyerno alang sa mga pagpangandam ug sa posibleng mga contingency measures batok sa posibleng epekto sa Super El Niño sa rehiyon.
