Nagpagawas ang United Nations Human Rights Council og written submission nga naghisgot sa paggamit matod pa sa International Criminal Court (ICC) batok kang kanhing Presidente Rodrigo Duterte. Sumala sa dokumento, giingong adunay politikal nga motibo ang pipila ka lihok nga nalambigit sa administrasyon ni Presidente Ferdinand Marcos Jr., ilabina nga nagkaduol ang eleksyon sa tuig 2028.
Apil usab sa maong dokumento ang mga alegasyon nga may kalabutan sa giingong ₱20 million impeachment bribery, ghost flood control projects, pagkawala sa bilyon-bilyong pondo sa gobyerno, ug ang giingong pagbaligya sa gold reserves sa nasud. Wala pa’y opisyal nga pahayag gikan sa Malacañang kabahin niini sa pagkakaron.
Gihangyo usab sa UN Human Rights Council nga masuta ang giingong arbitrary detention kang kanhing Presidente Duterte, ug ang posible nga paglapas sa Rome Statute ug international law. Gikwestyon usab sa dokumento ang ihap sa drug war deaths, ug giingong kulang pa ang forensic ug judicial verification sa datos.
Photo Courtesy: Global Center for the Responsibility to Protect
