Mihangyo ang usa ka trabahante sa Sanjia Steel Corporation nga mabalik ang iyang mga alahas nga gibanabanang nagkantidad og P400 thousand pesos human mawala atol sa pag serve sa search warrant sa ilang kompanya.
Giila ang complainant nga si Minerva Sabac, admin staff ug Chinese language translator sa kompanya. Matod ni Sabac, upat ka tuig niyang gihinay-hinayan ug bayad sa Palawan Pawnshop ang iyang mga alahas apan nahanaw kini human sa operasyon sa mga sakop sa NBI Central Office.
Dugang pa niya, nga wala siya sa lugar atol sa pagselbi sa search warrant tungod kay naka-leave siya niadtong adlawa Mayo 15, 2026.
Sa iyang pagbalik, iyang nadiskobrehan sa kuhang hulagway sa iyang kauban nga nagkayamukat ang iyang mga gamit ug wala na ang iyang jewelry box nga gitago luyo sa kabinit.
Lakip usab sa iyang giingong nawala ang pitaka nga adunay kwarta gikan sa China. Padayon karon ang iyang paghangyo nga maimbestigahan ang insidente ug maibalik ang iyang mga personal nga gamit.
Photo courtesy: Minerva Sabac
