Gipahinumduman ni Konsehal Roger Abaday ang mga kaubanang Konsehal sa ika-21st City Council ang importante ug dakong papel sa Local Government Units diha sa pagpakusog sa disaster preparedness sa kabarangayan.
Nahisgutan kini sa Konsehal tungod sa panglantaw nga maka-alarma na ang nahitabong serye sa sunog sa dakbayan sa Cagayan de Oro.
Pinakabag-o niini nga mga insidente sa sunog ang nahitabo sa Barangay Puntod, Lapasan, Patag, Carmen, Balulang, Camaman-an ug Kauswagan kung asa gatusan ka pamilya ang labing naapektuhan.
Subay sa mga imbestigasyon, sagad sab hinungdan niini nga sunog ang pagdula og posporo sa mga kabataan, illegal electrical connections, faulty wiring, butane explosion ug grabeng nasinati nga kainit.
Kini nga panghitabo, mapugngan pa unta kung ang tanan matngon ug magbinantayon. Busa, gipahinumdom sa konsehal ang panginahanglang sa pagpakusog sa education ug awareness campaign diha sa pagpugong nga masubli na sab ang insidente sa sunog sa syudad.
Dugang pa sa Konsehal, responsibilidad kini sa tanan, gikan sa lokal nga panggamhanan, kabarangayan, ug katawhan.
