Muerto el un barangay kagawad des del Quiniput, ya conuse amo si kagawad Warlito Sanson Salvador, 57-anios, casao des del sitio Calanasan Barangay Quiniput, este despues anda con este repica de tiro el suspechao ya conuse amo si Alvin Bartolome Francisco, 36-anios casao residente tambien del mencionao lugar, que ya ocuri na mismo residencia de este endenates madrogada.
Mientrastanto na imbestigasyonta aparece, antes de pa de ocuri el insidente, adentroy casa el victima junto con el este companiero, donde derefente ya lang ya aparece el suspechao y sin probocasyon ya anda con este tira en particular na de este cabesa, rason del de este muerte, donde insiguidas tambien ya escapa el suspechao.
Ademas por medio na sindescanso hotpursuit operation del de atun personahes del Police Station 2 curuan, ya puede tambien insiguidas aresta con el suspechao, y este maga tiempo na custodia ya este del mencionao estatsyon para na propio disposition.
