Mikabat na sa 19 ka indibidwal ang namatay human sa gilusad nga bag-ong air strikes sa Lebanon nga giingong gihimo sa Israel. Sumala sa Lebanon Health Ministry, napulo sa mga namatay lakip ang tulo ka kabataan ug tulo ka kababayen-an ang napatay human maigo sa pag-atake ang usa ka balay sa Deir Qanoun town.
Nahitabo ang mga pag-atake bisan pa man sa gipadayon nga 45 ka adlaw nga ceasefire tali sa Israel ug Hezbollah nga gisuportahan sa Amerika aron mapadayon ang negosasyon sa duha ka panig sugod sa Hunyo.
Sa ulahing report, mikabat na sa kapin 3,000 ka tawo ang namatay sa Lebanon sukad nagsugod ang panagsangka tali sa Israel ug Hezbollah.
Photo courtesy: globaltimes
