Mahimong makansela ang Certificate of Compliance sa mga fuel stations kon dili sila motuman sa paghatag og fuel subsidy sa mga kwalipikadong driver.
Kini ang giingon sa Department of Energy (DOE) isip pagpasidaan alang sa tanang mga liquid fuel retail outlets sa lain-laing bahin sa nasud.
Gimandoan usab sa ahensya ang mga oil companies nga magbutang og signages ug special Fuel Subsidy Program (FSP) lanes alang sa mga driver aron mas sayon ang ilang pag-avail sa subsidiya.
Ubos sa programa, ang mga benepisyaryo mahimong makadawat og ₱1,500 nga fuel subsidy matag sakyanan kada semana sulod sa tulo ka bulan.
Sa datos hangtod niadtong Mayo 18, 2026, mokabat na sa 938 ka fuel stations sa tibuok nasod ang naghatag og subsidiya alang sa mga driver sa public utility jeepney ug UV Express.
Photo Courtesy: Auto deal
