Gipasiatab sa lokal nga pangamhanan sa Misamis Oriental nga nabayran na sa kapitolyo ang mga utang niini sa mga gasolinahan sa dakbayan sa Cagayan de Oro.
Matod ni Provincial Administrator Ruel Gayoso, nga resulta sa paningkamot sa administrasyong Uy nga ma-update ang tanang obligasyon sa probinsya ngadto sa mga creditors.
Dugang ni Gayoso nga gipahugtan usab sa kapitolyo ang pagmonitor sa paggamit sa mga sakyanan sa matag departamento aron masiguro nga dili kini magamit sa personal nga lakaw.
Gipasabot usab ni Gayoso nga importante nga magamit lamang ang mga government vehicle alang sa pagserbisyo sa katawhan sa lalawigan.
