Halos nidoble ang inflation rate sa Northern Mindanao human kini nitungtong sa 8.2% sa bulan sa Abril gikan sa 4.6% sa bulan sa Marso ning tuiga. Mas taas sab kini og 0.1 % kung itandi sa Abril 2025.
Pagtaas sa presyo sa palaliton ug mga bayrunon sama sa pagkaon, produktong petrolyo ug housing ang nag-unang hinungdan sa pagsaka sa inflation rates sa Northern Mindanao.
Sa pikas bahin, natala ang 6.9% nga inflation rate sa probinsya sa Misamis Oriental alang sa bulan sa Abril gikan sa 3.3% sa bulan sa Marso karong tuiga.
Samtang sa Cagayan de Oro City, taas sab ang inflation rate nga 7.4% sa Abril gikan sa 5.1% sa bulan sa Marso.
Sa Misamis Oriental ug Cagayan de Oro City, parehong transportasyon ang nag-unang hinungdan sa taas nga inflation rate tungod sa pagsaka sa presyo sa produktong petrolyo. Gisundan kini sa food and non-alcoholic beverages ug ikatulo ang housing, water, electricity, gas and other fuels.
Samtang, ang probinsya sa Lanao del Norte ang adunay pinakataas nga inflation rate nga anaa sa 9.4% sa tibuok rehiyon ug pinakaubos ang Camiguin nga anaa sa 4.3.
Sumala pa ni PSA X, Regional Director Janith Aves nga importante kini nga mga datus aron mahibalo sab ang mga konsumante sa dagan sa presyo sa mga palaliton. Labi na importante kini nga mga datus sa panggamhanan aron nga makahimo og konkretong mga lakang aron nga aksyunan ang krisis nga nakaapekto sa tanan.
Photo courtesy: Philippine Statistics Authority Region X
