Usa ka 18-anyos nga batan-ong Pranses ang nahimong viral—ug nahimong problema—human gi-video ang iyang kaugalingon nga nagtilap sa straw sa orange juice vending machine unya gibalik pa gyud.
Ang suspek nga si Didier Gaspard Owen Maximilien karon giatubang ang kaso sa “mischief” ug “public nuisance” sa Singapore—usa ka nasud nga istrikto kaayo sa kalimpyo ug disiplina.
Tungod sa iyang “tilap-serye,” napugos ang kompanya nga IJooz nga ilisan ang tanang 500 ka straw ug limpiyohan ang makina—murag nahimo gyud og “juice with extra flavor” ang nahitabo.
Bisan pa ana, gitugotan gihapon ang batan-on nga mobiyahe padulong Manila alang sa school trip, apan mobalik gihapon siya sa korte.
Pahimangno sa mga otoridad: Ayaw gyud tilapi ang straw nga dili imoha—kay basin imbes juice, kaso ang imong masuyop.
Photo courtesy: BFM
