Gipahimangnoan sa Philippine Travel Agencies Association (PTAA) ang publiko batok sa mga peke nga booking sa panahon sa peak summer season. Daghan sa mga peke nga booking, sumala sa grupo, narehistro sa lainlaing mga social media site.
Gipahinumdoman ni PTAA Inbound Committee Member Fe Abling Yu ang mga bakasyunista nga siguruhon kanunay nga lehitimo ang mga tawo nga ilang gikaestorya ug adunay lehitimong contact number ug aktuwal nga address.
Sa dili pa magpadala og bayad alang sa mga nakatakdang bakasyon, kinahanglan una silang ma-verify, ingon niya, sama sa pagpangita sa ilang background, impormasyon sa negosyo, ug uban pa.
Gipahimangnoan usab ni Yu ang publiko batok sa yanong pagbayad pinaagi sa e-wallet ug uban pang paagi sa pagbayad.
Ang PTAA nipagawas sa pahimangno dungan sa gipaabot nga pagdagsang sa mga bakasyonista karong panahon sa ting-init, nga posibleng gipahimuslan usab sa mga peke nga booking sites ug scammers.
Photo Courtesy: PTTA TRAVELTOUR
