Malipayon nga gisaulog sa aktres nga si Ina Raymundo ang graduation sa iyang anak nga si Erika gikan sa Berklee College of Music sa Boston, USA.
Sa iyang Instagram post, gipaambit ni Raymundo ang mga hulagway ug mga higayon sa graduation ceremony, diin makita ang iyang kalipay ug garbo sa nakab-ot sa iyang anak.
Matod niya, dako kaayo ang iyang kalipay ug bisan ang bana niini, emotional kaayo sa maong milestone.
Giingon pa niya nga kini mao ang “pinakamaayong Mother’s Day gift” nga iyang nadawat.
Ang maong panghitabo nagpakita sa kalampusan sa anak ni Raymundo sa natad sa musika, nga usa ka dakong inspirasyon sa daghang kabatan-onan nga nagtinguha usab nga molampos sa ilang piniling karera.
Photo Courtesy:Ina Raymundo IG
