Gikondena sa Blue House sa South Korea sa labing kusgan nga pahayag ang giingong pag-atake sa usa ka cargo ship nga gipanag-iya sa Korean shipper nga HMM Co. sa Strait of Hormuz, diin miresulta kini sa pagkasunog sa engine room sa barko.
Sumala sa mga opisyal, ang vessel wala makalapas sa bisan unsang regulasyon sa paglayag sa tubig duol sa United Arab Emirates ug giingon nga kini usa ka dili makatarunganong pag-atake batok sa komersyal nga barko.
Giingon ni Wi Sung-lac, national security adviser sa South Korean presidential office, nga adunay forensic analysis nga gihimo sa kadaot sa barko sa pantalan sa Dubai ug ang tukmang tubag ihatag sa dihang matino ang tinubdan sa pag-atake.
Wala pa mahibaloi kung ang Iran adunay kalambigitan sa insidente, bisan pa man nga nagpadayon ang ilang pagbalibad sa responsibilidad.
Sa laing bahin, miingon ang US President Donald Trump nga posibleng ang Iran maoy nag-atake sa barko ug nanawagan sa South Korea nga motabang sa US-led efforts aron mapanalipdan ang shipping sa maong ruta
Photo Courtesy: Courtesy of Ministry of Foreign Affairs, Yonhap
