Nagpabiling batan-on ang hitsura sa usa ka lalaki sa Singapore bisan pa nga 60-anyos na kini, hinungdan nga gibansagan siya sa daghang netizens isip “bampira” tungod sa iyang ageless nga panagway.
Giila ang lalaki nga si Chuando Tan nga nailhan usab sa bansag nga “The Asian Vampire,” “The Man Who Never Ages,” ug “Singapore’s Hottest Uncle.” Misikat siya sa tibuok kalibutan niadtong 2017 human daghang tawo ang natingala nga nagpabilin siyang batan-on bisan 50-anyos na siya niadtong panahona.
Sa bag-ohay niyang ika-60 nga kaadlawon, mipabilin gihapon ang iyang lawas ug dagway nga daw sama sa usa ka lalaking naa pa sa 20 anyos. Daghan ang nakuratan sa iyang mga hulagway ug interbyu tungod kay gamay ra ang kausaban sa iyang panagway sulod sa daghang katuigan.
Matud pa ni Chuando Tan, wala siya mugamit og cosmetic procedures o plastic surgery aron mapadayon ang iyang batan-ong hitsura. Hinuon, iyang giingon nga ang sekreto niini mao ang husto nga diyeta, regular nga ehersisyo, ug maayong pag-atiman sa lawas.
Bisan pa man sa bansag nga “ageless,” giangkon usab niya nga nasayod siyang normal gihapon ang pagkatigulang ug dili siya tinuod nga dili matandog sa panahon
Photo Courtesy: oddity central
