Mingsaad si President Ferdinand Marcos Jr. nga pangunahan sa Pilipinas ang pagduso og panaghi-usa ug kooparasyon sa Association of Southeast Asian Nations taliwa sa tensyon sa Middle East ug hisgutanang panagbangi sa rehiyon.
Sa pag-abli sa 48th ASEAN Summit, segon ni President Marcos nga importanteng magkahiusa ang mga sakop sa ASEAN aron masulosyonan ang kagubot sa Middle East nga naka-apekto na sa ekonomiya, komunidad ug pamatigayon sa Southeast Asia.
Gihatagan og gimbugatn ni Marcos ang importansya sa pagtinabangay sa ASEAN sa pagpakusog sa siguridad sa Enerhiya ug pagkaon.
Lakip sa mga lakang nga gihimo sa rehiyon mao ang pagpalapad sa pamatigayon pinaagi sa mga miyembrong nasud, paggamit og renewable energy ug paggamit og bag-ong teknolohiya sama sa Artificial Intelligence sa Enerhiya ug sa Agrikultura.
Sa pagsaka usab sa presyo sa mga nag-unang palaliton, kinahanglang pakusgan sa ASEAN ang pamatigayon sulod sa rehiyon ug palambuon ang supply sa pang-agrikultura nga kayang mabatokan ang sunod nga krisis.
Makatabang ang digital innovation aron sayo nga masuta ang kakuwangon sa supply, mapasaka ang production sa agrikultura ug mapa-ayon ang pagdesisyon sa mga gobyerno
Photo Courtesy: ASEAN Main Portal
