Gikatakdang magtagbo ug magtigom silang US Secretary of State Marco Rubio ug Pope Leo XIV. Sumala sa White House, mobisita si Rubio karong adlawng Biyernes.
Kini ang unang higayon sukad niadtong nagbinayloay og mga hait nga pulong ang Santo Papa ug si US President Donald Trump. Kahinumdumang, gibatikos ni Trump ang Santo Papa tungod sa pagkontra niini sa gilunsad nga giyera batok sa Iran.
Gihimakak hinuon ni Rubio nga ang rason sa iyang pagbisita sa Santo Papa ang pagpahiuli sa maayong relasyon sa Amerika ug sa Vatican. Dugang pa niya, ang usa sa mga hisgotan nila ang mahitungod sa mga isyu sa Vatican ingon man usab ang bahin sa nasod sa Cuba.
Photo courtesy: OSV News
