Gikatingala sa Special Assistant to the Governor sa Misamis Oriental kung nganong nalambigit ang iyang ngalan sa isyu sa ilegal nga pagmimina sa lalawigan.
Matod ni Popoy Abucejo, posible lamang nga “mas gwapo” siya maong gigamit ang iyang pangalan sa kontrobersiya.
Giklaro usab ni Abucejo nga wala siyay kalambigitan sa bisan unsang ilegal nga mining operation ug wala pa gani siya makabisita sa mga giingong ilegal nga minahan sa probinsya.
Ang pahayag iyang gihimo aron tubagon ang mga alegasyon nga naglambigit sa iyang ngalan sa isyu sa illegal mining sa probinsya.
Sa pagkakaron, padayon pa ang mga diskusyon ug imbestigasyon kalabot sa operasyon sa ilegal nga pagmimina sa lalawigan.
Photo courtesy: Misamis Oriental Provincial Information Office
