Target sa Kamara nga mapasar ang Anti-Political Dynasty Bill karong Mayo o sa dili pa matapos ang unang Regular Session sa ika-20 nga Kongreso.
Kini ang gipahibalo ni House Assistant Majority Leader ug Lanao del Sur 1st District Representative Zia Alonto Adiong, kinsa mao usab ang chairman sa House Committee on Suffrage and Electoral Reforms nga nagdungog sa balaodnon.
Nahisgotan ni Adiong nga nakigsulti siya kang House Speaker Faustino “Bodjie” Dy III ug House Majority Leader Sandro Marcos bahin sa ilang tinguha nga mapasar ang balaodnon.
Niadtong Abril, nagsugod ang debate sa plenaryo sa Kamara bahin sa Anti-Political Dynasty Bill ug sumala ni Adiong, magpadayon kini sa sunod semana uban ang unom pa ka mga kongresista nga gilinya aron mag-interpellate.
Photo Courtesy: Remate
