Gisikop sa National Bureau of Investigation ang Media Founder nga si Franco Mabanta ug upat ka lain pangkauban tungod sa kasong robbery by extortion ug posible nga paglapas sa Cybercrime Prevention Act of 2012. Kini human sa usa ka entrapment operation nga may kalabotan sa giingong pangayo ug bayad nga mokabat sa P300 milyon gikan kang Martin Romualdez.
Sumala sa NBI, ang mga suspek giingong nangayo ug P300M bugti sa matod pa dili pagpagawas sa mga video nga posibleng makadaot kuno kang Romualdez. Segon sa imbestigasyon, nagsugod ang negosasyon niadtong miaging tuig ug misaka ang kantidad hangtod miabot sa P350 milyon, apan giingong gitakda kini sa P300 milyon katapusan.
Sa gihimong pagsikop, gipadayon ang surveillance sa mga otoridad hangtod natultulan ang laing lokasyon sa Pasig City diin didto nadakpan ang mga suspek ug ilang mga kauban nga giingong nagtinabangay sa maong ilegal nga kalihokan.
Nagpadayon pa ang imbestigasyon sa NBI ug giusisa na usab ang mga gadgets, social media accounts, ug ubang digital nga ebidensya nga konektado sa kaso. Gipatin-aw sa ahensya nga ilang giimbestigahan ang posible nga krimen ug dili kini pag-atake sa press freedom, kundili aksyon batok sa paggamit sa social media alang sa ilegal nga pagpangayo ug kwarta pinaagi sa pag-blackmail.
Photo Courtesy: GMA News
