Nagbato og seryosong alegasyon si Batangas 1st District Rep. Leandro Leviste batok kang Executive Secretary Ralph Recto, nga giingong nakadawat og bilyon-bilyong piso nga pondo gikan kang CWS Partylist Rep. Edwin Gardiola aron suportahan ang kampanya sa iyang asawa nga si Batangas Gov. Vilma Santos-Recto ug sa iyang anak nga si Luis Manzano.
Sa iyang privilege speech sa House of Representatives niadtong Martes, giingon ni Leviste nga ang giingong pondo miabot sa bilyon-bilyong kantidad, nga gigamit sa kampanya sa “ViLucky” tandem sa Batangas.
Giila usab niya nga adunay dagkong paggasto sa lain-laing distrito, nga nakaabot og gatosan ka milyon kada lugar, ug giingon nga nakadawat siya og mga report sa cash distribution nga giingong gigamit sa kampanya.
Dugang pa niya, sa usa ka miting, giingong gi-endorse siya sa tandem Santos-Manzano ug gihisgutan pa ang posibleng “business arrangement” sa mga proyekto sa DPWH, lakip ang pag-ila sa mga lugar para sa road projects ug posibleng pagpalit sa yuta.
Giingon ni Leviste nga nabalaka siya sa iyang nadungog ug nag-awhag nga klarohon kung tinuod ba ang maong mga akusasyon ug unsay tinuod nga gigikanan sa pondo.
Apan gi-depensahan ni Batangas 6th District Rep. Ryan Recto ang iyang pamilya, ug giingon nga dili angay gamiton ang plenary sa House aron ipakatap ang mga alegasyon nga wala pa napamatud-i.
Photo Courtesy: Manila Bulletin
