Giduso sa House Committee on Justice ang rekomendasyon nga mahimo’g ipatuman ang pagdili kang Sara Duterte sa pagdagan ug pag-angkon og bisan unsang posisyon sa gobyerno.
Kini kabahin sa Committee Report 261 nga naglangkob sa resolusyon ug Articles of Impeachment nga gisumite sa House Justice Panel ngadto sa plenaryo sa Kamara. Ang maong report ipailawom sa boto sa 318 ka kongresista sa Lunes, Mayo 11.
Lakip sa rekomendasyon sa komite ang pagpa-abaga nga si VP Sara ipailawom sa impeachment trial ug masilotan sumala sa gitakda sa balaod, kung mapamatud-an ang mga alegasyon batok kaniya.
Ang mga kaso nga gilista sa report naglakip sa:
- Sayop nga paggamit o abuso sa confidential funds
- Dili masubay nga bahandi
- Graft ug corruption, lakip ang bribery, ilabi na sa iyang panahon isip Secretary sa Department of Education
- Gikatahong hulga sa kinabuhi ni Pres. Ferdinand R. Marcos Jr., First Lady Liza Marcos, ug kanhi House Speaker Martin Romualdez
Sumala sa 93-pages committee report, ang mga alegasyon batok sa Bise Presidente giila nga posibleng mosulod sa culpable violation of the Constitution, graft and corruption, betrayal of public trust, bribery, ug uban pang high crimes.
Photo courtesy: Philstar
