Wala nahadlok si Sara Duterte sa nagkakusog nga panawagan sa iyang impeachment, ug nagpabilin siyang kalmado batok sa mga lihok sa iyang mga kritiko sa Kamara.
Sa interbyu didto sa The Hague, giingon sa bise presidente nga dili siya makakomento sa giingon ni Terry Ridon nga duol na makompleto ang 106 ka boto para sa articles of impeachment. Matod niya, lahi ang pagtan-aw kung gikan na sa mga opisyal ang maong pahayag ug nangutana siya nganong sigurado kaayo kini.
Padayon gihapon ang imbestigasyon sa House Committee on Justice bisan wala si Duterte mitambong sukad sa unang hearing tungod sa iyang biyahe sa gawas sa nasud.
Anaa karon sa Netherlands ang bise presidente aron bisitahon ang iyang amahan nga si Rodrigo Duterte, nga nag-atubang og kasong crimes against humanity sa International Criminal Court. Bisan wala siya malipay sa nahitabo, giingon niyang himsog ang iyang amahan ug giandam na nila ang sunod nga hugna sa kaso.
Photo Courtesy: Business Mirror
