Adunay closure si Mikee Quintos sa ilang panagbulag ni Paul Salas niadtong niaging tuig. Miabot og upat ka tuig ang ilang relasyon sa wala pa sila magbulag kapin usa ka tuig na ang milabay.
Niadtong Pebrero, nagkita ug nakaistorya pag-usab sila Mikee ug Paul sa bachelor’s party sa ilang higala nga si Mikoy Morales. Matod ni Mikee nga sakit gihapon apan mas maayo na ang ilang panag istoryahay karon kumpara sa ilang breakup sa niaging tuig.
Bisan wala siyay uyab karon, malipayon na si Mikee sa iyang kahimtang. Dako usab ang natabang sa ilang pag-istorya ni Paul aron makapadayon siya.
In hindsight, dili lang ang relasyon ang iyang gikagul-an, ni Mikee kundi pati ang iyang kaugalingon nga naa pa sa maong relasyon.
Alang kang Mikee, dili pa niya kinahanglan mangita dayon og bag-ong gugma karon. Mas importante para niya ang pag-focus sa iyang kaugalingon ug sa iyang personal nga kalamboan.
Photo Courtesy: GMA Network
