Hugot nga gisupak ni City Councilor Atty. Flaviano Gapol Jr. ang planong pag-lift sa moratorium sa pagpalapad sa mga multi-national companies sa dakbayan sa Malaybalay.
Atol sa iyang privilege speech sa ika-42 nga Regular Session sa 10th Sangguniang Panlungsod niaging Mayo 5, 2026, giklaro ni Gapol nga dili kini uyon sa resolusyon nga magtugot sa expansion sa mga dagkong kumpanya ug plantasyon.
Sumala kaniya, ang maong resolusyon dili gikan sa Committee on Environment ug wala moagi sa hustong proseso sa komite. Gitumbok sa konsehal nga kini usa lamang ka “kaugalingong inisyatiba” ni City Councilor Alan Ryann Legaspi.
Ang isyu sa moratorium naglambigit usab sa nagkalain-laing posisyon gikan sa Barangay Dalwangan ug sa City Government pinaagi sa Environment ug Multi-Partite Monitoring Team (MMT) kabahin sa posibleng pag-alsa sa moratorium sa large-scale plantations
Sa pagkakaron, ang maong hisgutanan girefer na ngadto sa Committee on Codification, Rules, and Laws alang sa dugang nga pagtuon ug legal nga deliberasyon
Photo Courtesy: SP Malaybalay
