Gipabakwit sa mga medic ang duha ka pasahero nga nagpakita og mga sintomas sa hantavirus human sa gidudahang outbreak sakay sa usa ka luxury cruise ship nga kasamtangang nagdunggo sa baybayon sa West Africa.
Gibanabana nga 150 ka tawo ang nagpabilin sakay sa maong cruise ship human namatay ang tulo ka pasahero—usa ka magtiayong Dutch ug usa ka German national—samtang daghan pa ang nasakit. Apil niini ang usa ka Briton nga gidala sa South Africa alang sa pagtambal.
Ang hantavirus usa ka talagsaon nga sakit nga mahimong hinungdan sa grabe nga respiratory illness ug mapasa pinaagi sa hangin nga kontaminado sa ihi o hugaw sa ilaga.
Sumala sa World Health Organization, ubos ang risgo alang sa mas lapad nga publiko ug wala’y panginahanglan sa pagpatuman og mga pagdili sa pagbiyahe. Bisan pa niini, isip pag-amping, wala gitugotan sa Cape Verde ang MV Hondius nga aduay bandilang Dutch nga modunggo.
Sa pikas bahin,matod sa kompanya, estrikto nga mga protocol sa panglawas ang gipatuman sakay sa barko aron mapugngan ang posibleng pagkaylap sa sakit.
Padayon nga gisusi sa mga eksperto ang gigikanan sa outbreak, lakip na ang posibilidad nga kini naggikan sa mga ilaga sa barko o sa pagkaladlad sa mga pasahero sa South America.
Photo Courtesy: TFCN
