Naghatag og pahimangno si Police Major Zandrex Panolong-Police Information Officer sa Iligan City Police Office-ngadto sa tanang mga drayber sa syudad sa Iligan nga magmatngon ug likayan ang pag-inom sa ilimnong makahubog kon magmaneho ug sakyanan o kaha single motor.
Matod pa ni Panolong, kadaghanan sa mga aksidenteng panagbangga sa Iligan City resulta sa pagmaniho nga naka-inom nga maghatag ug ka peligro sa kinabuhi sa drayber ug uban pang mga motorista.
Gidugang pa niya nga kinahanglan magpa-hinayhinay usab sa pagpadagan sa sakyanan aron malikayan ang kadaot ug masiguro ang kaluwasan sa tanan.
