Giklaro ni Konsehal Edgar Cabanlas, kinsa chairman sab sa Committee on Economic Enterprises nga partikular lamang sa food section ang planong pagpasuot og hair net lakip na mask sa mga vendors sulod sa pampublikong kamerkaduhan sa syudad.
Saysay ni Cabanlas, kini nga lakang kabahin lamang sa ilahang ginaduso nga improvement sa pagdumala ug kahimtang sa mga merkado. Wala sab kamatuoran nga pasuoton na og sobra ka pormal nga panamit ang mga vendor sama sa amerkana o barong.
Pagpasabot sa konsehal nga alang lang sab kini sa kaayuhan ug proteksyon sa mga pumapalit nga masigurong hinlo ang pagkaon nga ilahang mapalit.
Sa pikas bahin, dugang sab sa gisugyot ang pagpasuot og ID sa tanang mga vendor sulod sa merkado lakip na ang pagpapilit og stickers sa ilahang mga stalls isip monitoring kung sila ba naga-comply sa tanang rekisitos aron sila makapaninda.
Gidugang sa Konsehal nga kini dili aron pihigon ang mga vendors apan aron lang maplastar o maorganisa ang kamerkaduhan. Ning kasamtangan, padayon pa sab ang konsultasyon aron nga mapatuman kini nga mga lakang.
Photo courtesy: CEEBDA/ Facebook
