Patay ang usa ka trabahante nga residente sa Tandag City human makuryente samtang nag-duty sa Barangay Rosario kagahapong adlawa, Mayo 5, 2026.
Base sa inisyal nga imbestigasyon, aksidenteng nakahikap ang biktima og live wire nga konektado sa usa ka metal pole nga iyang gihawiran, hinungdan nga nakuryente siya ug nakaangkon og grabeng kadaot sa lawas.
Padayon karon ang imbestigasyon sa mga otoridad aron matino ang tibuok detalye sa insidente, lakip na kung adunay kakulang sa safety measures sa lugar nga iyang gitrabahoan.
Samtang, nag-awhag ang mga otoridad sa publiko, ilabi na sa mga trabahante nga nagtrabaho duol sa linya sa kuryente, nga magmatngon ug mosunod sa angayng safety protocols aron malikayan ang susamang aksidente.
