Nagsang-at og reklamo sa Austria ang usa ka iladong data protection group batok sa LinkedIn tungod sa giingong pagbaligya ug dili hustong pagdumala sa data sa mga users.
Sumala sa Vienna-based group nga Noyb, nagsumite sila og reklamo sa Austrian Data Protection Authority alang sa usa ka user nga nangayo og kumpletong access sa iyang personal nga data.
Giingon sa grupo nga kinahanglan ihatag sa LinkedIn ang tibuok tubag sa data access request ug dapat kini pagamultahan.
Matod pa ni Noyb data protection lawyer nga si Martin Baumann, “Adunay katungod ang mga tawo nga madawat ang ilang kaugalingong data nga walay bayad.”
Gibatikos usab sa Noyb ang platform nga gipanag-iya sa Microsoft tungod sa giingong paggamit sa data protection concerns isip rason aron dili ihatag ang impormasyon.
Dugang pa sa grupo, dili klaro kung legal ba ang pag-track sa profile visitors tungod kay wala matud pay klarong consent gikan sa mga users.
Ang Noyb nailhan nga grupo nga aktibong nagsang-at og mga kaso batok sa tech companies kalabot sa data privacy, ilabi na sukad sa pagpatuman sa European Union sa General Data Protection Regulation o GDPR niadtong 2018.
Photo Courtesy: Remate
