Nakasinati og special nga selebrasyon ang duha ka senior citizens nga nagsaulog sa ilang adlawng natawhan karong adlawa, Mayo 6, 2026, human sila makadawat og “pa-birthday” gift gikan kang CEO Richard Soriano Villaronte.
Ang mga nakabenepisyo mao sila si Esperanza Robledo, 82-anyos, residente sa Barangay Balintawak, Pagadian City ug si Benedicta Basilisco, 90-anyos, residente sa Barangay Guinlin, Tigbao, Zamboanga del Sur.
Lakip sa ilang nadawat nga mga regalo ang cake, lechon manok, pansit, softdrinks, ug 10 ka kilo nga bugas nga usa ka inisyatiba ni CEO Villaronte isip pagpakita og pag-amuma ug pagpasalamat sa mga senior citizen dungan sa iyang adlaw’ng natawhan.
Mapasalamaton usab ang duha ka “lola” sa ilang nadawat nga sorpresa, ilabi na kay wala nila damha nga adunay mohatag og special nga regalo sa ilang adlawng natawhan.
Ang maong inisyatiba nagpadayag sa pagpasalamat ni CEO Villaronte sa iyang adlaw’ng natawhan aron makapadasig ug makapalipay sa mga senior citizens nga mga napiling mahatagan.
