Nisaka og 13 porsyento ang koleksiyon sa taripa sa bugas sa unang tulo ka bulan sa tuig, nga miabot na sa Php4.8 bilyon nga mas taas sa halos doulan Php560 milyon kumpara sa Php4.25 bilyon sa samang panahon niaging tuig, sumala sa datos sa Bureau of Customs.
Gipasabot nga ang pagsaka sa koleksiyon tungod sa mas dako nga gidaghanon sa imported nga bugas ug sa hinay nga balor sa piso.
Ang importasyon sa bugas misaka og usa ka katulo, nga miabot sa dul-an 1.36 milyones ka metriko tonelada gikan sa 1.02 milyones ka metriko tonelada niaging tuig.
Ang mga koleksiyon sa taripa gigamit aron pondohan ang Rice Competitiveness Enhancement Fund o RCEF, nga adunay garantiya nga Php30 bilyon matag tuig hangtod sa 2031.
Pinaagi niini, ginahatagan og libreng makinarya ug binhi ang mga mag-uuma, ug karon apil na usab ang suporta sa pagpaayo sa yuta, pest management, ug solar-powered irrigation.
Photo Courtesy: Philstar. com
