Gitahasan sa Department of the Interior and Local Government (DILG) ang tanang Local Government Units (LGUs) nga maghimo dayon og lakang aron masiguro ang hapsay nga pagbiyahe sa suplay sa fuel sa ilang mga lugar, tali sa nagpadayon nga oil crisis.
Gihangyo usab sa DILG ang mga LGU nga i-exempt ang mga lehitimong fuel tanker gikan sa truck ban ug traffic coding aron dili mapugngan ang distribusyon sa krudo.
Sumala sa ahensya, mahinungdanon nga magpadayon ang walay hunong nga paglihok sa fuel supply aron masuportahan ang ekonomiya ug mapanalipdan ang kaayohan sa katawhan, ilabi na niining panahon sa global energy disruption.
Ang direktiba nakaangkla usab sa deklarasyon ni Presidente Ferdinand Marcos Jr. sa state of emergency may kalabotan sa suplay sa lana.
Gidugang sa DILG nga dako ang papel sa mga lokal nga gobyerno sa pagseguro nga ang mga essential goods sama sa fuel mahatod dayon sa publiko.
Gimandoan usab ang mga local chief executives nga gamiton ang ilang awtoridad aron masiguro ang hustong implementasyon sa maong mga lakang.
Photo Courtesy: Philippine News Agency
