Naglunsad ug operasyon ang militar sa United States aron mapadayon ang luwas nga pagbiyahe sa mga barko sa Strait of Hormuz. Segon sa U.S. nga ilang gi-atake ang unom ka gagmay nga sakayan, cruise missile ug drone nga gipadala gikan sa Iran.
Sumala sa opisyal sa militar, padayon ang ilang depensa batok sa mga hulga samtang ilang ginabantayan ang mga barko nga nagaagi sa maong lugar. Apil sa ilang operasyon ang liboan ka sundalo, mga barkong pang-gyera, ug kapin sa 100 ka eroplano ug uban pang militar pangdagat.
Gipasabot usab nila nga ang Islamic Revolutionary Guard Corps nagpadayon sa mga lihok nga nagbatok sa U.S. bisan pa og adunay ceasefire kaniadtong Abril 8. Tungod niini, nagpadayon gihapon ang tensyon tali sa duha ka nasud.
Sa kasamtangan, nagpasidaan ang U.S. ngadto sa Iran nga likayan ang pagduol sa ilang mga pwersa ug mga barko nga ilang ginabantayan. Padayon usab ang ilang lakang aron masiguro nga luwas ang dalan sa mga barko sa Strait of Hormuz.
Photo Courtesy: Reuters
