Gikalingawan karon sa Socmed ang usa Buwaya sa nasud Florida human nga mitabok kini agi sa Pedestrian lane nga sama sa disiplinado sa traffic rules.
Sa video nga nakuha sa usa ka pulis sa Hillsborough County, nakita ang usa ka buwaya nga adunay gitas-on nga 7 feet nga kalit lang nipatim-aw sa tunga sa busy nga dalan nga nagpakimbot-kimbot nga murag nisalmot sa fashion show.
Sumala sa Hillsborough County Sheriff’s Office, nakadawat sila og report pinaagi sa social media bahin sa maong mananap nga anaa sa tunga sa North Dale Mabry Highway, nga mohunong kong dunay sakyanan moagi apan kong wala motabok kini.
Samtang saksak sinagol karon ang komento sa katawhan matod pa nila kong sa Pinas kini ang pulong nga “buwaya sa kalsada” mao ang kurakot o abusadong opisyal, ang uban usab nisulti nga may pa ang buwaya nakaseminar na sa balaod trapiko kaysa uban nga pataka og dasmag.
